Бізнес-канферэнцыя “Паспяховы прадпрымальнік” адбылася!
02 Апреля

27 і 28 сакавіка ў Мінску адбылася адна з самых гучных бізнес-падзей гэтага года - бізнес-канферэнцыя "Паспяховы прадпрымальнік", арганізатарам якой выступіла кампанія "Максі Бай" – Цэнтр падтрымкі прадпрымальніцтва ў Рэспубліцы Беларусь.

Падобнае мерапрыемства арганізоўваецца ўжо ў чацвёрты раз. Аднак у гэтым годзе яно праходзіла ў фармаце канферэнцыі і доўжылася два дні, на працягу якіх бізнесмены змаглі прайсці 3 крокі да паспяховага бізнесу:

1 Крок: Стварэнне кампаніі;

2 Крок: Развіццё сваёй справы;

3 Крок: Эфектыўнае кіраванне бізнесам.

27 сакавіка мерапрыемства праходзіла ў Доме Масквы, дзе прафесійныя спікеры і бізнес-трэнеры выступілі з лекцыямі на тэму стварэння і развіцця бізнесу.

 

Практычныя заняткі і трэнінгі праходзілі 28 сакавіка ў бізнес-клубе "IMAGURU". Тут удзельнікі змаглі на пэўных прыкладах з жыцця кампаній навучыцца эфектыўнаму кіраванню сваёй справай.

Удзельнікамі канферэнцыі сталі маладыя людзі, якія толькі плануюць адкрываць свой бізнес, а таксама прадпрымальнікі малога і сярэдняга бізнесу, зацікаўленыя ў развіцці ўласнай кампаніі. Канферэнцыя сабрала каля 200 удзельнікаў.

Залы Дома Масквы і бізнес-клуба "IMAGURU" сабралі сапраўды захопленых людзей. Маладыя прадпрымальнікі актыўна бралі ўдзел у канферэнцыі, задавалі вялікую колькасць пытанняў і атрымлівалі прызы. 

Напрыклад, Алена, студэнтка, якая навучаецца ў Германіі, з вялікай цікавасцю прыйшла на канферэнцыю, бо ў будучыні плануе распачаць сваю справу. Алена адзначыла, што для яе самай важнай з'яўляецца менавіта практычная частка: "Усё лепшае - гэта тое, што бліжэй да практыкі, напрыклад, аповеды пра тое, што было ў практыцы прафесійных бізнесменаў, з якімі праблемамі давялося сутыкнуцца і якія памылкі яны зрабілі. Лепш вучыцца на чужых памылках, а не на сваіх".

Раман, праграміст, прыйшоў на канферэнцыю з мэтай атрымаць веды пра адкрыццё сваёй справы. Малады чалавек расказаў нам пра тое, што ён плануе адкрыць ферму па вырошчванні трусоў. "У праграмаванні мала жыцця, - адзначыў Раман, - а новы бізнес жывы і займальны, да таго ж, яму не трэба прысвячаць увесь свой час".

Андрэй, прадстаўнік кампаніі "БелАдмінГруп", адзначыў высокі ўзровень спецыялістаў: "Выступы спікераў дазволілі пераканацца ў сваіх думках і планах, паглыблена растлумачылі некаторыя моманты. Вельмі важна, што на канферэнцыю прыйшло шмат зацікаўленых людзей, якія з радасцю могуць падзяліцца сваім досведам".

Вікторыя, прадстаўнік кампаніі "Паспяховая рэклама", засталася задаволена мерапрыемствам. Ёй спадабаліся лекцыі, з якіх яна змагла ўзяць шмат новай і карыснай інфармацыі для сябе. Прыемнае ўражанне пакінула і апетытна якава-паўза.

Ірына, індывідуальны прадпрымальнік, таксама адзначыла карысць гэтага мерапрыемства для развіцця сваёй справы і прапанавала ў наступны раз даць магчымасць самастойна камбінаваць заняткі лекцыйнага і практычнага характару, напрыклад, лекцыі 1 і 2 Кроку і трэнінгі 3-яга Кроку.

Аляксандр, ПУП "Б'юЛайн", расказаў нам пра тое, што канферэнцыя дазволіла яму атрымаць шмат карыснай інфармацыі. Вялікую цікавасць выклікала тэма "Кіраванне калектывам". 

Крысціна, студэнтка лінгвістычнага ўніверсітэта, выйграла квіток на канферэнцыю ў сацыяльных сетках. Гэты нечаканы сюрпрыз стаў для яе сапраўдным падарункам, бо ў будучыні яна збіраецца адкрываць сваю лінгвістычную школу. Дзяўчына адзначыла важнасць інфармацыі, высокі прафесіяналізм спікераў, добрую працу з публікай і інтэрактыўнасць.

Прадстаўнікі кампаніі "МЕ100" (партнёры мерапрыемства) з радасцю падзяліліся прыемнымі ўражаннямі ад канферэнцыі і адзначылі высокі ўзровень яе арганізацыі.

Павел (Start-up "Гэта табе") звярнуў увагу на настрой аўдыторыі: "Вельмі важна, што ўсе знаходзяцца на адной хвалі. Кожны змог адчуць сябе ў асяроддзі сваіх. Фармат дыялогу дазваляе глыбока асвятліць праблему і паўнавартасна разабрацца ў ёй, на практыцы паглядзець нейкія складаныя моманты".

Таксама канферэнцыю наведалі прадстаўнікіСМІ, сяродякіх былі журналісты такіх выданняў, як "Аргументы і Факты", "Белгазета", партала "Bel.biz" і іншыя.

 

Канферэнцыя праходзіла ў цёплай, прыемнай атмасферы. Раніцай у Доме Масквы гасцей сустракаў струны квартэт. У рамках канферэнцыі былі арганізаваны 2 кава-паўзы, пад час якіх удзельнікі мерапрыемства маглі пагаварыць адзін з адным, са спікерамі, абмяняцца карыснымі кантактамі. Арганізатарамі кава-паўзы сталі нашы партнёры – "Налібокі Кэйтарынг" і рэстаран японскай кухні "SushiHouse".

Многія ўдзельнікі канферэнцыі атрымалі падарункі і сертыфікаты: 3 сертыфіката на бясплатнае карыстанне інтэрнэтам Атлант Тэлеком на працягу  месяца, 3 сертыфіката ад Асістэнт.by на бясплатныя анлайн-кансультацыі па бухгалтэрыі, 3 сертыфіката на рассыланне 5000 бясплатных смс-паведамленняў ад SMS-assistant. Апро чтаго, былі разыграны прызы ад TreningClub.by, а таксама "SushiHouse".

Найбольш актыўныя ўдзельнікі змаглі выйграць прызы і ад нашых спікераў – квіток на трэнінг Дзмітрыя Скуратовіча і абед з Андрэем Гусаравым.

Цэнтр падтрымкі прадпрымальніцтва ўдзячны ўсім удзельнікам і партнёрам мерапрыемства.

 

Да сустрэчы на наступнай канферэнцыі "Паспяховы прадпрымальнік"!

 

ДРУГИЕ IMAGURU НОВОСТИ
15 Января
01:37
Здания бывших заводов — идеальное место для коворкингов, креативных площадок и квест-комнат
В Минске достаточно объектов, которые якобы никому не нужны: здания бывших заводов, старые административные площадки, подвальные помещения. Мнение минчан по этому вопросу разделилось: одни хотят все это поскорее снести, другие считают, что такие объекты можно переделать и подарить им вторую жизнь. Мы приверженцы второго варианта. Realt.by поездил по городу и обнаружил, что таким объектам найдено множество функциональных применений — самые яркие из них в нашем фоторепортаже.
13 Января
01:43
“Без любви вообще никуда!”. Родители-стартаперы советуют, как одновременно растить ребёнка и проект
Стартап – это тот же ребёнок. Он тоже рождается, растёт, крепнет и встаёт на ноги. Иногда болеет и капризничает. И конечно, требует к себе много внимания. Каково это – растить и ребёнка, и стартап? StartupLife.by обратился за советом к опытным родителям-стартаперам.
12 Января
01:19
TechMinsk Winter’17 Batch
TechMinsk – первая акселераторская программа в Беларуси. 5-недельная образовательная программа проекта будет проходить под эгидой IMAGURU Startup HUB. TechMinsk включает в себя вечерние мастер-классы, семинары, лекции и занятия с международными, а так же локальными менторами и экспертами. Они делятся личным опытом и дают ценные советы (на английском либо русском языках).